Македонската сениорска кошаркарска репрезентација денеска од 18.00 часот во Осло, ќе го игра последниот шести натпревар од вториот претквалификациски круг за пласман на Евробаскетот 2025 година. Противник на нашите најдобри кошаркари во обидот да го одбраниме првото место во групата „Д“ во овој трет и последен ФИБА „прозорец“, ни е селекцијата на Норвешка.

Како што соопштија од федерацијата, овој натпревар ќе се емитува на програмата на Sportklub 2HD, а можете да го следите и на официјалниот Јутјуб канал на ФИБА ТУКА

Норвежаните претрпеа пораз од Данска во минатото коло и така ги загубија шансите за првото место.

– Ја испуштивме првата можност, во Левице имавме свои шанси, не ги искористивме. Си ја отежнивме работата, со оглед на тоа дека загубивме за првпат во овие претквалификации. Но, реков и тогаш по завршувањето на натпреварот дека најважно од сè е дека сепак сè зависи само и исклучиво од нас. Сами си ја кроиме својата судбина, и гледаме само како ќе одиграме против Норвежаните – вели селекторот на сениорите, Александар Јончевски пред мечот во Арената „Нордстранд“.

Погледите ќе бидат насочени и во Нествед, на натпреварот Данска – Словачка кој ќе стартува од 15.30 часот. Исходот на овој меч има директно влијание на конечниот пласман, пред сè на Словаците. Победа на Данска, која ќе ја брани својата чест и се надева на втора победа, ќе значи и пласман на Македонија во евро-квалификациите, но останува она дека нашите момци имаат се во своите раце – и треба да одиграат добро, и по втор пат во овој циклус, да ја совладаат Норвешка.

Претквалификации за ЕП 2025

Група „Д“
Двојки, 6 коло

Денеска

15.30 часот: Данска – Словачка

18.00 часот: Норвешка – Македонија

Табела

1.Македонија 5 4 1 357:334 9 бодови

2.Словачка 5 3 2 367:365 8

3.Норвешка 5 2 3 339:330 7

4.Данска 5 1 4 355:381 6

Не ја искористивме првата „меч-топка“, прв пораз за кошаркарите во претквалификациите за ЕП