Македонскиот карате тим кој успеа да се најде во финалето на Европската Универзијада во Лоѓ (Полска) го сочинуваат Петар Заборски, Петар Спасеновски, Давид Петков, Глигор Петков и Димитар Илиевски.

Нашите каратисти остварија три победи и в сабота ќе бидат дел од финалето во екипна конкуренција во борби. Во првото коло беше совладана Унгарија со 3:0, потоа во второто триумфиравме над Украина (3:1), а во полуфиналето со 3:0 бевме подобри од Словачка.

Селекторот на универзитетската репрезентација на Македонија, Бошко Заборски вели дека е направен одличен успех и е обезбедено финале во најтешката дисциплина.

На минатата Универзијада пред три години во Загреб овие караристи беа исто така финалисти и го освоија сребрениот медал, а сега ќе се обидат да стигнат до златото.

На Универзитетските игри во Лоѓ се натпреваруваат 5.000 спортисти од 400 европски универзитети и 40 држави, кои учествуваат во 20 спортови.