Денеска во првото коло на турнирот во Инсбрук (Австрија) со резултат 2:0 Калин Ивановски успеа да го совлада Томаш Јирусек од Чешка.

Македонскиот тенисер го освои првиот сет со 6:3, а вториот го реши во тај-брејк со 7:6 (3).

Следен ривал на Ивановски во осминафиналето ќе биде првиот носител Валентино Вашеро од Монако.

Вашеро на стартот со 6:1, 3:6 и 6:3 триумфираше против Австриецот Марко Андрејиќ кој настапи со „вајлд-карта“.

Да додадеме уште дека нашата најдобра тенисерка Лина Ѓорческа од среда (20 јули) ќе учествува на турнирот во Оломуц (Чешка).

Во првото коло е слободна, а за пласман во осминафиналето 11 носителка ќе игра против домашната натпреварувачка Габриела Кнутсон.