Еден од голманите на македонската фудбалска А репрезентација Дејан Илиев го очекува нова подолга пауза поради повреда.

За нашиот чувар на мрежата сезоната е завршена поради повреда на лактот на својот последен натпревар во дресот на финскиот клуб ХЈК, поради што ќе мора да оди на операција.

Во продолжение објавата на Илиев на социјалните мрежи:

– Го повредив лактот на нашиот последен натпревар на гостински терен. За жал, ќе морам да одам на операција за да ги санирам оштетените тетива и лигаментите. Оваа повреда ќе ме натера да ги пропуштам сите наши натпревари до крајот на сезоната. Ќе притискам да се вратам посилен по уште еден тежок момент во кариерата – објави Илиев.

Сезоната во финскиот шампионат одамна е започната и се води голема битка за титулата, моментно води КуПС со 35 бодови од 18 натпревари, колку што има и второпласираниот СЈК (од 17 натпревари), а трет е ХЈК со 34 бодови од 18 натпревари.

ХЈК во август го очекуваат нови три меча против Мариехам, Интер Турку и АЦ Оулу, и уште еден на 3 септември против КуПС.