Тодор Тодороски, 24-годишниот македонски репрезентативец кој игра на позицијата десен бек, ќе има нов клуб во својата кариера.

Станува збор за романската екипа на Поли Јаши, која моментно е на 14 позиција со 23 бодови.

Оваа информација ексклузивно ја пренесува романскиот портал „digisport.ro“, Тодороски потпиша договор на две години со Поли Јаши.

Сезонава имаше само пет настапи во најсилното унгарско фудбалско првенство во дресот на Залаегерсег.

На клупски план беше дел и од скопски Металург, Вардар, Осиек, Шибеник, Раднички Ниш, Серед и Сумгајит.

За најдобрата македонска репрезентација од 2021 година има до сега шест настапи.

ВИДЕО: Дарко Велковски е нов фудбалер на Динамо Букурешт