Дуке Бојаџиев, еден од најистакнатите македонски музички таленти, е роден на 24 септември 1972 година. Моментално живее и работи во Њујорк, но неговиот музички пат започнува во Македонија, каде што уште како дете ја открил љубовта кон музиката и медицината. Свирел пијано од три годишна возраст, а компонирал од свои десет години. Дипломирал на Медицинскиот факултет во Скопје и потоа заминал за Бостон, каде дипломирал на колеџот Беркли во 2001 година. Од таму се преселил во Њујорк, каде и денес живее и работи.

Долги години работи во студио како композитор и продуцент, а од 2005 година и како музички директор и пијанист на култната њујоршка театарска група „Д Ситизенс Бенд“ (The Citizens Band), со која работел две и пол години на големи сцени низ цела Америка. Во неговата кариера остварил соработка со холивудската глумица Џина Гершон како музички директор и пијанист на нејзиното кабаре шоу во Њујорк, потоа со добитници на Оскар, како Џонатан Деми и Данис Тановиќ, меѓу кои и македонскиот режисер, номиниран за Оскар, Столе Попов. Работел на рекламни кампањи на големи фирми, како Мерцедес, Лореал, Пежо, Ланком и други, но и како продуцент на ремиксови на пејачката Синди Лопер.

Со свои концерти започнал од 2011 година, најнапред во Античкиот Театар во Охрид, а потоа и во „Карнеги хол“. Соработува со Македонската филхармонија, Тања Царовска, Мартин Ѓаконовски, Каролина Гочева, Анѓела Мекласки, и други имиња од музичкиот свет.

Творештво

Дуке Бојаџиев досега има издадено седум соло албуми. Неговата музика е дел од светски познатите компилации „Буда Бар“ (Buddha Bar), „Маракеш Експрес“ (Marrakech Express) и „Чил аут ин Париз“ (Chill out in Paris). Исто така, продуцирал ремикс за Синди Лопер и за „Блу Мен Груп“, а соработувал со Џонатан Дем и Данис Танович. Има изработено авторска музика за повеќе македонски и странски филмски остварувања, меѓу кои за филмот „Страв од паѓање“ на Џонатан Дем, и за македонскиот филм „До балчак“ на режисерот Столе Попов.

Филм

До балчак – од Столе Попов
The secret life of Walter Mitty – Бен Стилер
Fear of falling – Џонатан Деми
Dreaming American – Ли Перси
The War is over – Митко Панов
Wingles – Иво Трајков
The Ten – Кен Марино и Дејвид Вејн
Сенки – Милчо Манчевски
Hell – Данис Тановиќ
Suffering Man’s Charity – Ален Каминг
Shortcut to Nirvana – Ник Деј
Sweetbreads (краткометражен) – Ноора Нисканен
Nuts (краткометражен) – Андре Лион

Телевизија

Марта Стјуарт (Martha Stewart)
Момент на луксуз (Moment of Luxury)
Светлина што води (Guiding Light)

Мултимедијални проекти

FontaineBleau Hotels
Vera Wang
GE
W hotels
Vanity Fair
Cosmopolitan

Дискографија

New York a.m.
The War is Over – музика од филмот
Love is The Way
Stream of Consciousness – соло пијано
Digital Confessions 2
Digital Confessions
Esma’s Dream

ЦД компилации

Buddha Bar XIV
Chill Out in Paris 4, 5 & 7
Airfrance
Fashion Week 5
Marrakech Express 2
Diesel_U_Music
Styled in Italy
Papeete Beach Lounge
La Suite 6
Ram Cafe 4
KU DE TA 4

Награди и признанија

• Личност на годината за 2015, награда што ја доделува Нова Македонија на најистакнатите личности што ја обележиле годината во областа на бизнисот, културата, политиката, уметноста, науката, образованието, спортот, општествените и хуманитарните дејности.