Нов успех на таеквондо сцената оствари Милијана Рељиќ откако освои нов медал на престижниот меѓународен турнир во Инсбрук, Австрија.

Македонската таеквондистка со новите освоени поени е чекор поблиску до Летните олимписки игри во Лос Анџелес 2028 година.

Нејзиниот тренер Александар Ефтимов вели дека ова е радост и гордост за целиот клуб.

– Како нејзин тренер сведочам за нејзината истрајност, посветеност и дисциплина. Секој тренинг, секоја борба, секој пад и секое станување се дел од патот што води до Олимписките игри 2028 година во Лос Анџелес. По ова продолжуваме со истата страст и поголема мотивација – се зборовите на Ефтимов.