По сместувањето во олимпиското село во Париз за спортско стрелаштво кое се наоѓа на 275 км од Париз, денеска Анастасија Мојсовска го одржа првиот контролен тренинг.

На истиот сè се одвиваше во најдобар ред, а Мојсовска истиот го одработи на ниво во нашите планирани очекувања.

До натпреварот на 28 јули во 09.00 часот ќе се има уште два тренинзи, на 25 и 27 јули кои се доволни за аклиматизација на стрелците додека условите во стрелиштето се одлични.

Потсетување дека Мојсовска ќе настапи во дисциплината 10 метри воздушна пушка.

– Настапот на олимпијадата за мене претставува остварување на мојот спортски сон и освојување на уште еден спортски врв кој мене ме оформува како професионален спортист-стрелец. Чувството е феноменално, неизмерно сум среќна што еве баш јас сум дел од олимпискиот тим и ја имам шансата да ги претставувам боите на нашата држава. Изработување на еден квалитетен светски резултат за кој сум спремна, а со кој достојно ќе се претставиме на оваа олимпијада – вели Мојсовска.