Македонската скијачка надеж и гордост, Филип Димовски, оствари историска победа на 49 издание на едно од најголемите и најстари европски натпреварувања во алпско скијање за деца до 16 години, Покал Лока во Словенија.

Во силна конкуренција на натпреварувачи од 26 земји, младиот скијач успеа прв да ја заврши слаломската трка.

Димовски триумфираше пред Матеј Магдолен од Словачка и Апостолос Летсиос од Грција.

Димовски е првиот македонски скијач кој освоил шампионска титула на овој традиционален ски турнир во Шкофја Лока.

Скијачката федерација на Македонија упатува честитки до него и до тренерот Нико Калан.