Денеска е објавена најновата ФИФА ранг листа на која најдобрата македонска фудбалска репрезентација има пад од едно место.

По минималниот пораз на контролниот меч во Прага против Саудиска Арабија и убедливиот триумф во Скопје над Лихтенштајн, моментно се наоѓаме на 63 место со 1388 поени.

Следните мечеви нашите најдобри фудбалери ќе ги имаат следниот месец, клучни за пласман на Светското првенство 2026. На 10 октомври им гостуваме на Белгијците, додека три дена подоцна во главниот град ќе го пречека Казахстан.

Белгија останува на осмото место, додека Казахстан кој назадуваше за четири позиција, се наоѓа на 118 место.

Нов лидер на ФИФА ранг листата е Шпанија со 1875 поени, пред Франција која скокна на второто место, додека Аргентина која досега беше на тронот падна на третото место.

Англија остана како четвртопласирана, следуваат Португалија и Бразил, на седмото место е Холандија, а веднаш зад Белгија се репрезентациите на Хрватска и Италија.

Преземено од: Спорт.ком.мк