Со 93 гласови „за“ и само 18 „против“ и 65 воздржани, земјите-членки на ОН денеска ја поддржаа резолуцијата предложена од Украина зад која застана целата ЕУ, а која руската инвазија во Украина го нарекува „воена агресија“ и дава поддршка на територијалниот интегритет на земјата, барајќи повлекување на руските војници. Против оваа резолуција гласаа Иран, Израел, Кина и САД.

Македонија беше воздржана на ова гласање, откако прифати да биде коспонзор на друга резолуција, поднесена од САД, во чијашто оригинална верзија се користеше многу поблаг речник и немаше директна осуда на Русија, која не се именуваше како агресор или извор на конфликтот.

Соединетите Држави се обиделе да извршат притисок врз Украинците да ја повлечат својата резолуција во корист на нивниот предлог, објави „Асошиетед прес“ повикувајќи се на американски функционер и европски дипломат кои зборувале под услов да останат анонимни. Украинците тоа го одбиле, а потоа Собранието додаде реченици во американскиот предлог со кои јасно се кажува дека Русија извршила инвазија на својот помал сосед со кршење на Повелбара на ООН.

Вака изменетата американска резолуција потоа помина на гласањето со 93 гласови „за“ и 8 против, како и 73 воздржани земји.

Македонското Министерство за надворешни работи попладнево појаснуваше дека нашата поддршка за американската резолуција не треба да се толкува како напуштање или менување на веќе искажаните позиции на Македонија за цврста поддршка за Украина и осуда на руската агресија.

Македонија е коспонзор на американската резолуција во ОН за Украина