Фудбалската репрезентација на Македонија ќе биде еден од двата дебитанти кои ќе настапат на Европското првенство кое ќе се одржи ова лето во 12 европски градови.
Фудбалерите историскиот настап ќе го имаат на 13. јуни кога на „Букурешт арената“ против селекцијата на Романија, а настапот на избраниците на селекторот Игор Ангеловски со нетрпение го очекуваат медиумите од регионот, посебно од поранешна Југославија.
Хрватски РТЛ пишува дека ова се најубавите години во фудбалската историја на Македонија и дека фудбалерите во мечевите на ЕВРО 2020 треба само да уживаат.

„Македонија конечно дочека пласман на едно големо натпреварување. Никогаш порано не успеа да ги помине квалификациите , реално тоа би била претешка задача, но Македонците успеаја преку Лигата на нации.  На ова Европско првенство, Македонците пред се ќе уживаат. Првпат се на вакво натпреварување и навистина е штета што поради пандемијата нема да ја почувствуваат жешката атмосфера на трибините. Но, и ова за нив ќе биде посебно доживување“, пишува новинарот на РТЛ, Бранимир Корач.

Текстот може да го прочитате на следниот ЛИНК.