Репрезентацијата на Македонија денеска ќе го има првиот собир за последните два натпревари од квалификациите за Европското првенство, а за овие два дуели селекторот Јончевски ќе ги има на располагање најдобрите кошаркари.

Имено, за првпат Ти-Џеј Шортс и Ненад Димитријевиќ ќе бидат заедно во ростерот. Во последните две кола за пласман на Евробаскетот на Македонија потребни и се две победи, но и услуга од Литванија.

Повикот на Шортс и Димитријевиќ е очекуван затоа што повреден беше и Хап, па така селекторот на местото за еден странски кошаркар го постигна Шортс кој блеска сезонава во во Евролигата во дресот на Париз.

Собирот на кошаркарите е денес од 18:00 часот и Димитријевиќ и Шортс ќе бидат присутни на првата прозивка, а пристигнуваат попладнево.