Македонија ќе настапи со двајца боксери на сениорскиот турнир во Хрватска „Загреб Гранд При“ кој започнува од утре, 8 октомври и ќе трае до сабота кога од 19 часот се предвидени финалните борби.

Арсим Етеми (до 81 кг) и Лео Јовановски (до 75 кг) се претставниците на Македонија на рингот во Загреб.

Во нашата делегација се уште и тренерот Димитар Ташков и АИБА судијата Петре Неделковски.

Според најавата на организаторот, на турнирот ќе настапат боксери од најмалку 10 земји, покрај домаќинот Хрватска, свои претставници ќе имаат и Македониија, Русија, Украина, Франција, Италија, Полска, Казахстан…