Селекторот на женската сениорска одбојкарска репрезентација на Македонија, Стефан Пауновиќ, одлучи да повика 19 одбојкарки на првиот собир во Струмица, за стартот на подготовките за настапот во Сребрената Европска лига.

Петте интернационалки, организаторите на играта Јонузи и Ричлиева, и примачите Стојанова, Терзиевска и Хаџитошева ќе бидат основата на селекцијата заедно со колешките од трите најдобри екипи во моментов, новиот шампион Јанта Волеј КВ, финалистот на плеј-офот Работнички Скопје и освојувачот на Купот на ОФМ Наковски Волеј.

Првата акција на сениорките летово е учеството во Сребрената Европска лига, која Македонија на отвора на домашен терен во салата „Парк“ во Струмица како организатор на првиот турнир во периодот од 30 мај до 1 јуни.

Собирот на репрезентацијата е закажан на 15 мај на пладне во хотелот „Пандев“ во Струмица.

Список на женска сениорска одбојкарска репрезентација на Македонија:

Техничар: Ерјона Јонуз, Софија Ричлиева, Софија Пандева, Јана Балов

Коректор/примач: Антонија Баталаковска
Коректор: Мери Бошковска, Андротеа Милевска

Примач: Тамара Стојанова, Теа Терзиевска , Ана Ѓорѓиевска, Лилјана Ковачевиќ, Добрина Хаџитошева

Примач/коректор: Ана Фасулева

Среден блокер: Марија Василевска, Ана Павловска, Симона Стојановска, Ива Стојковска

Либеро: Емилија Поп Јордановска, Надица Антеска, Фросина Трајковска