Најдобрата македонска женска сениорска ракометна репрезентација во последното шесто коло од квалификациите за учество на Европското првенство 2024 во СЦ „Борис Трајковски“ – Скопје со 34:24 ја совлада Литванија.

Избраничките на селекторот Кристијан Грчевски уште во минатото коло го обезбедија пласманот на континенталниот собир, а сега со новиот триумф само потврдија дека овој момент се подобри од Литванките кои беа пред стартот на квалификацискот циклус се сметаа за наши „најголеми“ ривал за второто место.

Гостинските ракометарки беа рамноправни до 7:7, а потоа оствариве низа од три погодоци, по што постепено ја зголемувавме предноста. До паузата три пати доаѓавме до највисоки „плус седум“ (16:9, 17:10, 18:11).

Во текот на второто полувреме следуваше целосна доминација на македонските ракометарки кои се погрижија за уште повисоки 22:13. Воглавно се одржуваше предност од од седум-осум голови разлика. При 27:19, противникот имаше серија на погодоци за намалување на својата негатива на 27:23. До крајот на мечот Македонките возвратија уште подобро и посилно со уште поголема серија и во финишот за прв пат да дојдат до „двоцифрена“ позитива (34:24).

Скоро сите во нашата селекција се запишаа во листата на стрелците, најефикасни беа Седлоска и Ризоска со по шест голови, а четири запиша Младеновска.

Во вториот меч од нашата квалификациска група „5“, селекцијата на Шпанија по втор пат го преслуша Азербејџан (42:16). Конечна табела: Шпанија 12 бодови, Македонија 8, Литванија 2, Азербејџан 0. Потсетување дека жрепката за групите на ЕП ќе се одржи на 18 април.