Македонската најдобра репрезентација триумфираше над Грузија и Естонија, а беше поразена од Ерменија на последните три натпревари.

Денешната најнова ранг листа објавена од страна на Светската куќа на фудбалот, вели дека не напредувавме, ниту назадувавме, па така останавме на 65 позиција со моментно 1362 поени, зад Хондурас, а пред селекцијата на Албанија.

Ривалите на нашите најдобри фудбалери на Европското првенство, Холандија е на 14 позиција со 1609 поени, Австријците се на 23 место (1531), веднаш пред Украина на 24 позиција (1521).

Во изминатиот период ги дознавме и ривалите во квалификациите за пласман на Светското првенство во Катар.

Македонија на гости против Романија ги стартува квалификациите за СП 2022, Германија на 11. октомври доаѓа во Скопје

Ќе стартуваме на 25 март 2021 година на гостински терен против Романија која е на 37 позиција на ранг листата. Фаворитот во таа квалификациска група, Германија е на 13 место со 1610 поени.

Топ 10 ФИФА ранг листа –

1.Белгија 1780 поени
2.Франција 1755
3.Бразил 1743
4.Англија 1670
5.Португалија 1662
6.Шпанија 1645
7.Аргентина 1642
8.Уругвај 1639
9.Мексико 1632
10.Италија 1625
—