Прв на денешната прес-конференција по победата на Македонија од 5-0 излезе селекторот на Лихтенштајн, Конрад Фунфштук кој порача дека Македонија има на што да се надева во иднина.

Покрај поразот, тој додаде и дека е задоволен од она што го прикажале неговите фудбалер.

„Честитки за Македонија за неверојатниот натпревар. Сметам дека во првиот дел бевме добро поставени. На крајот на денот, голот на Елмас беше навистина одличен и тој беше најголема опасност. Нашите играчи во завршницата паднаа, заморот се гледаше на теренот и паднавме. Честитки до Македонија која одигра одличен натпревар, но задоволен сум од моите играчи и тоа што го прикажаа. Ривалот од почетокот бркаше гол, а не запре до самиот крај. Тоа го докажува офанзивниот капацитет на Македонија.

Кога првпат ја видов ждрепката, кажав дека Македонија има големи шанси за пласман на СП. Ова е златнам генерација, на секоја позиција се добро пополнети и може да конкурира во секој поглед. Оваа селекција се докажа досега, не е изненадување што се наоѓа на врвот во групата. Им следува натпревар со Белгија во Гент, а сметам дека таму ќе решаваат нијанси. Тоа ќе биде дуел на две селекции кои заслужуваат да играат на Мундијалот“, изјави селекторот на Лихтенштајн.

Во следниот предизвик, Македонија ќе игра против Белгија на гости, натпревар кој е закажан за 10 октомври.