Победникот во домашниот Куп, екипата на Македонија ЃП викендов ги продолжи договорите со тројца свои фудбалери. Есмин Личина, Стефан Тасев и Стефан Лазаревиќ ќе настапуваат за „лавовите“ и следната сезона.

На екипата наскоро ќе и се приклучи и Арби Воша кој по операцијата е пуштен од болница и за три недели се враќа на тренинзите и би требало да биде во комбинација за настап во квалификациите за пласман во Лигата на конференции.

Македонија ЃП во второто квалификациско коло ќе игра против ЦСКА Софија, првиот натпревар е закажан за 21 јули, а реваншот е една недела подоцна.