После 10 години видовме нов светски рекорд по број на посетеност на ракометен меч на големите натпреварувања.

Европската ракометна федерација (ЕХФ) објави дека вкупно 53,586 билети беа продадени за првите два натпревари на Европското првенство кое денеска стартуваше во Германија.

Првите два натпревари од првото коло во групата „А“ на стадионот „Меркур Шпил Арена“ во Диселдорф се дел од историјата: Македонија – Франција и Германија – Швајцарија.

На стартот избраниците на селекторот Кирил Лазаров загубија убедливо од селекцијата на Франција.

Нашите најдобри ракометари се селат во Берлин каде што ќе ги одиграат останатите два меча од прелиминарната фаза, на 14 јануари против Германија (20.30 часот), и два дена подоцна против Швајцарија (18.00 часот).