Македонската репрезентација до 15 години загуби со 3:2 од Србија на вториот контролен натпревар одигран денеска на тренинг центарот „Петар Милошевски“ во Скопје.

На денешниот меч фудбалерите на селекторот Раде Каранфиловски дојдоа во водство со голот на Митановски во 10 минута.

Гостите од Србија со три гола, од кои два на Матијашевиќ и еден на Маровиќ, поведоа со 1:3 до полувреме.

На почетокот на вториот дел, нашата селекција со гол од пенал на Грашевски успеа да го ублажи поразот.

На првиот пријателски дуел ремизраа двете младински селекции со резултат 2:2. Штулиќ донесе предност за Србија во четвртата минута, потоа Бранковски со два гола направи пресврт во осмата и 12 минута, а во 21 минута конечниот епилог го постави Дамјановиќ.