Најдобрата фудбалска репрезентација на Македонија денеска ја пречекува Украина во рамките од квалификациите за ЕП 2024 во Германија. Натпреварот ќе се игра во арената „Тодор Проески“ – Скопје од 20.45 часот.

Повеќе информации околу влезниците за натпреварот Македонија – Украина на следниот ЛИНК

Овие две селекции се на во втор план во групата „Ц“ во која Англија и Италија се фаворити, но победникот од овој дуел би можел да се пробие на второто место пред Италијанците кои веќе доживеја еден пораз.

Квалификации ЕП 2024

Група „Ц“
Денеска
20.45 часот Малта – Англија
20.45 часот Македонија – Украина

Табела:

1. Англија 6 бодови
2. Италија 3
3. Македонија 3
4. Украина 0
5. Малта 0

Македонскиот селектор Благоја Милевски за претстојните дуели со Украина и Англија не може да смета на повредените Бојан Миовски и Ваљон Етеми, додека Дарко Чурлинов поради сепса мора да го пропушти јунскиот циклус. Играчот на Барнли е префрлен во Англија каде го очекува хируршка интервенција.

Македонија има една победа во меѓусебните дуели против Украина, а последниот меч го имаа на последното Евро 2020 на кое ривалот беше подобар со 2:1.

 

View this post on Instagram

 

A post shared by Football Federation-Macedonia (@ffmacedonia)

Нашите фудбалери ја бараат поддршката од трибините потребна во обидот да се дојде до успешен резултат против квалитетната Украина.

За светските обложувалници Украинците се фаворити. Според „бет365“, коефициентот за победа на Украина е 1.91, за нерешено 3.40, а 4.00 за победа на Македонија.

И двете селекции имаат свои адути, секако еден од нашите најдобри играчи е Елиф Елмас која сезонава со Наполи го освои Скудетото, беше стрелец во стартната победа од 2:1 против Малта.

На спротивната страна во фокусот се очекува да биде фудбалерот од средниот ред на шпанската Хирона Виктор Циганков кој постигна два гола пред четири дена во пријателскиот меч против Германија (3:3).