Објавени се мемоарите на ќерката на Елвис Присли, Лиза Мари Присли, која почина во јануари минатата година, кои откриваат интимни детали за нејзината врска и брак со кралот на поп музиката Мајкл Џексон, вклучувајќи го и фактот дека Мајкл Џексон немал сексуални односи до 35-годишна возраст, пренесува „Пипл“.

Откако првпат се сретнале во младоста, Присли и Џексон се зближиле во 1994 година. Пред официјално да ја започнат својата врска, Присли сè уште била во брак со првиот сопруг Дени Киу, но се развеле откако Џексон ѝ ја признал својата љубов во текот на патувањето во Лас Вегас.

– Мајкл рече: „Не знам дали забележа, но јас сум целосно вљубен во тебе. Сакам да се венчаме и ти да ги родиш моите деца –  пишува Присли во книгата „Од овде до големото непознато“ (From Here to the Great Unknown), која беше објавена во вторникот, 8 октомври.

– Не коментирав ништо веднаш, но потоа реков: „Навистина сум поласкана, не можам ниту да зборувам“. Тогаш веќе и јас чувствував дека сум вљубена во него – порачала таа.

Присли и Киу потоа спогодбено се развеле, а таа ја започнала врската со Џексон.

Во еден дел во книгата напишала дека пејачот бил девственик (немал дотогаш сексуални односи).

„Мајкл ми кажа дека досега немал сексуален однос“, пишува Присли во книгата. „Мислам дека ја бакнал Тејтум О’Нил и имал нешто со Брук Шилдс, што не било физички освен бакнеж. Тој рече дека Мадона еднаш се обидела со него, но ништо не се случило. Бев преплашена, бидејќи не сакав да направам погрешен потег“, порачала Лиза Мари Присли.

Двојката се венча во мај 1994 година кога Џексон имаше 35, а Присли 25, само неколку недели по нејзиниот развод со Киу. Тие беа во брак повеќе од две години пред да го финализираат својот развод во август 1996 година.

Да потсетиме, Лиза почина на 54-годишна возраст откако доживеа срцев удар во својот дом. Веста за нејзината смрт дојде неколку часа откако таа заврши во болница. Нејзината музичка кариера започна со деби албумот „To Whom It May Concern“ во 2003 година. Потоа следеше „Now What“ во 2005 година, од кои и двата стигнаа до топ 10 на Билборд 200. Нејзиниот трет албум, „Storm and Grace“, беше објавен во 2012 година.

Ќерката на Елвис Присли прозборе за врската со Мајкл Џексон, во која влегла за да го спаси! (ФОТО)

Трагичната животна приказна на Лиза Мари Присли: Го изгуби татка си на девет години, а син ѝ изврши самоубиство на 27-годишна возраст