Пејачката Бритни Спирс (41) веќе подолг период е во центарот на вниманието поради своето однесување, разводот со Сем Асгари, како и расправиите со семејството. Очигледно е дека гласините за заладувањето на односите на пејачката со нејзината мајка Лин Спирс се вистинити, пишува „Дејли мејл“.

Како што дознаваат странските медиуми од извор близок до семејството, Лин има сериозни финансиски проблеми. Таа  моментално работи како продавачка во продавница за козметика и како наставник на замена во основно училиште.

„Едвај успева да ги плати сметките“, изјавил изворот за „Дејли мејл“.

Според изворот, врз нејзината моментална финансиска состојба најмногу влијаела последната расправија со Бритни. Имено, минатата година Лин од својата најстара ќерка побарала финансиска помош од 660.000 долари. Таа побарала Бритни да ѝ ги покрие судските трошоци користени во парницата за старателството врз неа.

Сепак, адвокатот на Бритни, веднаш го отфрлил тоа барање, истакнувајќи дека „нема правна основа“ за тоа. Тој објаснил дека пејачката во својата кариера заработила милиони долари и уште од детството го издржувала целото семејство.

И додека Лин се мачи, нејзината ќерка продолжува со реализирање на успешни проекти. Во јули, Бритни ја објави песната „Mind Your Business“ со Вил-ај-ем, а набрзо ќе ги промовира и мемоарите насловени „The Woman in Me“.