Холивудскиот актер Џони Деп уште претходно најави дека нема да го игра негативецот Гелерт Гринделвалд во филмот „Фантастични ѕверки“, а сето тоа се случи откако тој го изгуби судскиот спор со таблоидот „Sun“, а неговата замена е всушност данскиот актер Мадс Микелсен.

По најавите дека Џони Деп нема да биде дел од третото продолжение, публиката искажа загриженост поради начинот како ќе функционира оваа трансформација. Како одговор на загрижените коментари Микелсен откри дека главниот негативец нема да биде во филмот толку колку што обожавателите веројатно очекуваат.

„Завршивме со снимањето. Очигледно сум дел од тоа дури половина од времето во однос на остатокот од екипата. Беше тоа прекрасно искуство. Мислам дека имаме одлично сценарио, и одлична приказна. Значи, ако по нешто може да се мери, мислам дека филмот ќе биде волшебен колку што мора да биде со сите тие прекрасни суштества, но и прилично убав. Има неколку навистина интересни, премногу емотивни сцени и се надевам дека ќе бидат забележани“, изјави Микелсен за странските медиуми.

Ова не е прв пат данскиот актер да го презема ликот кој претходно го глумел друг актер. Микелсен претходно го глумеше и култниот сериски убиец Ханибал Лектор, преземајќи ја улогата од оскаровецот Ентони Хопкинс.