Младиот 20-годишен македонски фудбалер Лука Станковски се поврзува со можен трансфер во редовите на словенечкиот клуб Горица.

Нашиот играч од средниот ред до сега беше член на Газиантеп, но поради катастрофалниот земјотрес што ја погоди Турција (и Сирија) клубот одлучи да се повлече сезонава од турската фудбалска Супер лига.

Како што пренесуваат медиумите во Словенија, сè додека ситуацијата барем не се смири, стабилизира, многу играчи ќе бидат позајмени во други клубови за да го задржат натпреварувачкиот ритам.

Еден од нив е Станковски, кој забележа пет настапи во турскиот шампионат, а во Газиантеп се пресели за отштета од 600.000 евра пред нешто повеќе од една година од скопски Работнички. Според „Трансфермаркт“, моментно пазарната вредност на младиот репрезентативец на Македонија е еден милион евра.

Годинава Горица се бори за опстанок во најсилното фудбалско првенство на Словенија, по 21 одигран натпревар е на претпоследното деветто место со 14 бодови, колку што има и Радомље на 10 позиција.