Лука Јовиќ ќе го напушти Милан во зимскиот преоден рок?!
Српскиот фудбалски репрезентативец Лука Јовиќ не е во плановите на тренерот на Милан, Пол Фонсека, и големи се шансите тој да го напушти „Сан Сиро“ во зимскиот преоден рок.
Препорачано
Ова го тврди познатиот италијански новинар Никола Шира, кој нагласува дека поранешниот играч на Реал Мадрид беше блиску до заминување од клубот летово, но дека не сакаше да прифаќа понуди од други тимови.
– Лука Јовиќ одби две понуди во летниот преоден рок бидејќи не сакаше да го напушти клубот. Сепак, тој не е во плановите на сегашниот тренер Фонсека и би можел да го напушти клубот во јануари – потенцира Шира.
Членот на Милан сезонава одигра само два натпревари во дресот на клубот со „Сан Сиро“ и запиша скромни 64 минути на теренот, без конкретен статистички учинок.
Португалскиот напаѓач има многу поголема доверба во некои други играчи, па медиумите на Апенините пишуваат дека сето тоа упатува на сигурна разделба во зимскиот преоден рок, особено што актуелниот договор истекува во јуни следната година и Јовиќ може да преговара како слободен агент веќе во зима.
Luka #Jovic could leave #ACMilan in January #transfers window. He has turned down 2 bids in the last days of August to stay at #Milan, but he currently is no longer in #Rossoneri’s Plans
— Nicolò Schira (@NicoSchira) September 20, 2024
