Тренерот на фудбалерите на Пари Сен Жермен, Луис Енрике ги предупреди своите играчи да не го потценуваат претстојниот натпревар против Брест во плејоф рундата од Лигата на шампионите.

Двата тима се сретнаа пред неполни две недели во меч од францускиот шампионат кој парижаните го добија со 5:2, но Шпанецот не смета дека тоа не треба да се земе во предвид.

– Минатата сезона тие беа еден од најдобрите тимови во Франција и успеаја да се квалификуваат во оваа фаза на навистина импресивен начин. Не знам што ќе се случи во вторник, но свесни сме за важноста на овој натпревар за нашиот клуб.

Тимот кој игра подобро не секогаш победува. Брест има моќ да дава голови, но ние сакаме да го играме нашиот најдобар фудбал. Пред нас се два натпревари и од овие две француски екипи само една ќе се квалификува. Ние сме фаворит, но фудбалот е игра на изненадувања – рече Енрике на прес-конференцијата пред дуелот во Генгамп, каде Брест е домаќин во ЛШ.