Во деветтото коло од ЕХФ Лигата на шампионите ракометарите на Еурофарм Пелистер се совладани на гостувањето кај Веспрем со 33:26.

После првото полувреме актуелниот македонски првак имаше негатива од девет голови разлика (20:11).

За битолската екипа доминираше Кузмановски со шест голови, еден помалку запиша Радивојевиќ.

На спротивната страна за унгарскиот тим блескаше францускиот интернационалец Фабрегас со седум голови.

На табелата води Веспрем со 16 бодови, а Еурофарм Пелистер после шестиот пораз сезонава е на седмото место со четири бодов.

Во следното коло Еурофарм Пелистер на 4 декември пред своите навивачи ќе игра можеби и клучен меч за пласман во следната фаза против Висла Плоцк од Полска.