Во второто коло од Евролигата, кошаркарите на Баерн славеа победа против Црвена звезда. Конечниот резултат на натпреварот беше 97:88 (24:28, 26:27, 27:16, 20:17).

Иако српскиот тим играше подобро во првата и втората четвртина, Германците се покажаа како подобар ривал во второто полувреме.

Силниот налет на Баерн и неверојатната шутерска партија на Андреас Обст ги доведоа Баварците до победа. Обст шутираше само за тројки и од линијата за слободни фрлања вечерва, и тоа беше исклучително ефикасно.

На крајот, тој го заврши натпреварот со 31 поен, три скока и 9/15 шутеви за тројки. Останатите четири поени ги постигна од линијата за слободни фрлања.

На Црвена Звезда не ѝ помогна ни тоа што имаше порасположени играчи од Баерн. Џордан Нвора постигна 27 поени со четири скока, по него Чима Монеке со 15 поени и пет скока, и Коди Милер-МекИнтајр со 16 поени, четири скока и три асистенции.

Од друга страна, покрај Обст, двоцифрен број на поени имаа Да Силва со 12 поени, Исијаха Мајк со 11 поени и Владимир Лучиќ со 10 поени.

Ова е веќе втор пораз за играчите на Црвена звезда, додека составот на Баерн го запиша првиот триумф сезонава.

Евролига, резултати:

Баерн – Црвена звезда 97:88
Партизан – Олимпија Милано 80:78
Реал Мадрид – Олимпијакос 89:77