Лорен Санчез, која се подготвува да се омажи за милијардерот Џеф Безос, неодамна беше видена со чанта која има облик на шолја за кафе вредна дури 5.300 евра. Чантата  е дело на модната куќа „Баленсијага“ и е реплика на нивната порцеланска шолја за кафе, која чини 115 евра.

Лорен ја носеше чантата на состанок во Студио Сити во Калифорнија, а на фотографиите може да се види како позира со насмевка за нејзиниот необичен моден избор. Со чантата, таа носеше темен тексас фустан со прерамки,  кафен ремен, кафени чевли  и авијатичарски очила за сонце.

Lauren Sánchez’s ‘coffee cup’ costs $5,750 https://t.co/NcPtl060X7 pic.twitter.com/EPYwkL7Sfy

— Page Six (@PageSix) March 28, 2025

Инаку, Лорен се подготвува и возбудливите месеци што следат. Во мај планира да отпатува во вселената со една од ракетите на Безос „Блу ориџин“, додека во јуни ќе го каже судбоносното „да“ на основачот на Амазон во Венеција, Италија.

Lauren Sanchez totes ‘ridiculous’ $5000 accessory ahead of ‘Royal’ wedding to billionaire Jeff Bezos https://t.co/xISwn3YQpn

— Daily Mail Online (@MailOnline) March 28, 2025

Парот наводно не штеди детали за нивната венчавка која е планирано да биде настан на годината. На листата на гости се Опра Винфри, Ким Кардашијан, па дури претседателот Доналд Трамп.

Луксузната суперјахта „Кора“ вредна 500 милиони долари ќе биде дел од венчавката, можеби како водно такси или локација за приватни прослави. Исто така, два од најпрестижните хотели во Венеција, палатата Грити и Аман Венеција, се целосно резервирани од 26-ти до 29-ти јуни, а цените за ноќевање достигнуваат десетици илјади долари.

Двојката започна да се забавува во 2019 година, но заедно се појавија во јавноста дури откако и двајцата ги завршија претходните бракови.

Венчавката во Венеција ветува дека ќе биде една од најспектакуларните и најскапите во последниве години, а светот на модата и бизнисот со нетрпение ги очекува сите детали од овој гламурозен настан.