На првото официјално Светско првенство во Саберо, Шпанија, во категоријата мастерс, Љубомир Спасиќ (20:16.34) се пласира на третото место.

Македонскиот кајакар за 0.62 не успеа да се најде на втората позиција, односно за 21.3 секунди не успеа да биде светски шампион.

– Особена чест и гордост ми е што успеав да ја претставам Македонија во најубаво издание и на свечената церемонија да испратам една убава порака до цел свет. Радувај се Македонијо, имаме трето место во светот во кајак спуст Мастерс А – се зборовите на Спасиќ.

На првото место е Французинот Лорен Маритин со време од 19:54:97, а второпласиран е на Ксавиер Мираљес Пратс од Шпанија.

Нашите сениори во состав Александар Златаров-Благој Гугинов-Кристијан Лазаров во тимскиот настап завршија на 13 место.

Следуваат настапи на македонските кајакари во спринт, како и класик на 5,9 км и спринт на 300 метри. В сабота нашата кајакарска репрезентација ќе се натпреварува тимски на спринт.