Љубителите на клупската музика од Лондон во понеделникот побрзаа на еден од првите музички настани без епидемиолошки мерки од почетокот на пандемијата минатата година. Со нетрпение очекуваа човечка интеракција, додека Англија ги укина повеќето ограничувања на полноќ, пренесува Ројтерс.

Велика Британија, која има најголем број на жртви од „Ковид 19“, се соочува со нов бран случаи, но премиерот Борис Џонсон ги укинува повеќето ограничувања во Англија. Одлуката кај народот стана позната како „Ден на слободата“.

Епидемиолозите генерално се критични за укинување на мерките, но многу млади Британци се уморни од затворање и велат дека копнеат за забава.

-Не ми е дозволено да танцувам-, рече Џорџија Пајк (31) во Хекни, источен Лондон и додаде: – Сакам да свирам, сакам да слушам музика во живо, сакам да ги почувствувам „вибрациите „на клубот, да бидам близу до други луѓе.

Покрај желбата за забава, постоеше јасна загриженост и за бранот нови случаи – повеќе од 50 000 на ден низ целото Обединетото Кралство.