Холандскиот фудбалер Џереми Фримпонг е сѐ поблиску да го облече дресот на Ливерпул. Според „Кикер“, преговорите меѓу англискиот клуб и Баер Леверкузен се успешно завршени, а останува да се прецизираат само последните детали од трансферот.

Холандскиот дефанзивец веќе постигна договор со англискиот гигант за договор до летото 2030 година.

Ливерпул ќе ја активира откупната клаузула во договорот на Фримпонг, која според различни извори вреди помеѓу 35 и 40 милиони евра.

Фримпонг се подготвува да го замени Трент Александер-Арнолд на десната страна од одбраната, а трансферот ова лето ќе биде една од првите одлуки на менаџерот Арне Слот, кој исто така е Холанѓанец.

Фримпонг се етаблираше како еден од најатрактивните десни бекови во Европа. Со тимот на Баер Леверкузен одигра 190 натпревари, постигнувајќи 30 голови и запиша 39 асистенции.