Откако ја освоија Премиер лигата, фудбалерите на Ливерпул ќе имаат можност да докажат кој е најдобриот тим во Англија пред почетокот на новата сезона, а тоа може да го направи во традиционалниот Комјунити Шилд против освојувачите на ФА Купот, Кристал палас.

Битката за првиот трофеј во сезоната започнува денеска од 16.00 часот на стадионот „Вембли“ во Лондон.

Интересно е што „Црвените“ ја завршија сезоната во Премиер лигата против Кристал палас, кој се одржа со нерешен резултат 1:1 на „Енфилд“. Гостите беа многу блиску до победата, но на крајот, Мохамед Салах го спаси шампионското славје на Ливерпул.

Од друга страна, Кристал палас го освои ФА Купот со триумфот против моќниот Манчестер сити со голот на Езе во раната фаза од мечот.

Во меѓувреме, Ливерпул донесе сериозни засилувања на „Енфилд“. За да ги одржат шампионските амбиции, пристигнаа Флоријан Вирц, Уго Екитике, Милош Керкез, Џереми Фрипонг… кои имаа можност да се претстават пред навивачите во текот на подготвителниот период, каде што англискиот тим оствари три победи во четири контролни дуели.

It's time for the Premier League curtain raiser! 🙌

Join us from 2pm for coverage of the Community Shield 🏆

📺 @tntsports & @discoveryplusUK pic.twitter.com/fqmiXrlGfS

— Football on TNT Sports (@footballontnt) August 10, 2025