Се одиграа уште три натпревари од 16. коло во Премиер лигата, Ливерпул запиша уште еден триумф овојпат на гостувањето кај Борнмут со 0:3.

Стрелци на головите за „црвените“ беа Окслејд-Чемберлејн, Кеита и Салах за вкупно 15. победа сезонава и зацврстување на првото место со 46 бодови, 11 повеќе од Лестер на второто место кој својот меч ќе го има в недела на гости кај Астон Вила.

Во останатите две средби, Ватфорд без голови ремизираше со Кристал Палас, додека Тотенхем на Жозе Мурињо го декласираше Барнли.

Кејн двапати се запиша во листата на стрелците, а по еднаш Лукас, Сон Хјунг-Мин и Сисоко. Тотенхем со овие три бода е на петтото место со 23 бодови.

Последен пат Мурињо триумфираше со пет голови во јануари 2015. година со тогашниот клуб Челзи против Свонси (5:0).

Португалецот со Манчестер јунајтед никогаш не постигнал повеќе од четири голови во 93 лигашки мечеви.