Англиските фудбалски клубови Ливерпул, Арсенал и Манчестер јунајтед се заинтересирани за напаѓачот на Барселона, Рафиња, пренесува Кот Офсајд.

Според изворот, менаџерот на Арсенал, Микел Артета ја сака играта на 28-годишниот крилен напаѓач, но поверојатно е да биде купен од Манчестер јунајтед и Ливерпул, бидејќи тие се во подобра финансиска состојба.

Барса ќе ја зголеми платата на Рафиња поради интересот за него од саудиските клубови.

Договорот на играчот со шпанскиот клуб е до летото 2027 година и истиот може да биде продолжен до летото 2030 година.

Оваа сезона Рафиња на 40 натпревари постигна 25 гола и забележа 18 асистенции. Порталот Трансфермаркт ја проценува пазарната вредност на играчот на 80 милиони евра.