Инвестирањето во недвижен имот станува сѐпопопуларно во земјите од средна и источна Европа, при што Литванија и Унгарија нудат најдобар поврат на инвестицијата за оние кои сакаат да профитираат на пазарот на недвижности во 2025 година.

Според новата студија на британската компанија „1st Move International“, која детално ги истражи клучните елементи на инвестициите во недвижности, вклучувајќи ги стапките на данокот на имот, данокот на доход и бруто приходот од наемнина, Литванија е најдобриот избор за инвестирање во недвижности..

Главниот град на Литванија, Вилнус, ветува просечен приход од изнајмување од 5,65 отсто. Цените за изнајмување се високи во земјата, повеќе од 170 отсто повисоки отколку во 2015 година. Данокот на приход од изнајмување изнесува 15 отсто, а на странците не им е забрането да купуваат недвижен имот.

Естонија е рангирана како втор најдобар избор за инвеститорите. На нерезидентите во оваа држава им е дозволено да купуваат недвижен имот, даноците се релативно ниски, но цените за изнајмување се високи, што резултира со годишен бруто приход од изнајмување од околу 4,5 проценти (данокот на приход од изнајмување е 20 проценти). Со оглед на тоа што цените на недвижностите се зголемија за 6,7 отсто изминатата година, вредноста на инвестицијата се очекува дополнително да се зголеми.

Според извештајот, Романија е на третото место поради релативно ниските дополнителни трошоци за купувањенедвижност со многу ниска просечна стапка на данок на доход од изнајмување од 10 отсто и релативно висока бруто добивка од од 6,46 отсто годишно.

Во извештајот се наведува дека постојат добри можности за инвестирање во недвижен имот и во Унгарија, Словенија и Полска, каде што кириите се високи, на пример во Унгарија тие се зголемени за повеќе од 180 проценти од 2015 година, а даноците се умерени.Цените на куќите во Полска пораснале за 17,7 отсто, во Унгарија за 9,8 отсто, а во Словенија за 6,7 отсто во 12-те месеци пред јуни 2024 година, објави Евростат.

Најнеисплатливи за инвестирање во станови и куќи се Белгија, Франција и Грција. Според извештајот, Белгија има речиси највисоки трансакциски трошоци во Европа, а данокот на приходот од изнајмување е околу 50 проценти. Франција се смета за втор најлош избор за инвестирање во недвижнини бидејќи се истакнува дека даноците и трошоците за купување и изнајмување се релативно високи, а во Грција данокот на приход изнесува над 33 отсто,а високи се и трошоците за купување.