Списанието „Тајм аут“ објави листа на најдобри градови за ноќен живот во 2025 година, составена врз основа на анкети на жители и оценки од експерти. Листата ја одразува разновидноста и специфичноста на ноќниот живот низ целиот свет, од луксузот на Дубаи до андерграунд сцената на Берлин- пренесе Каматица.

Еве ги првите 10 градови со најдобар ноќен живот:

10. Мумбаи, Индија: Центар на индискиот ноќен живот со жива енергија. Нуди сè, од прифатливи улични барови до софистицирани коктел барови.

9. Дубаи, ОАЕ: Синоним за гламур и луксуз, со ексклузивни високи барови и ноќни клубови.

8. Мексико Сити, Мексико: Метрополата што никогаш не спие, позната по својот разновиден спектар на музика во живо, трендовски барови и традиционални кантини.

7. Брајтон, Велика Британија: Комбинира опуштена крајбрежна атмосфера со енергичен ноќен живот, вклучувајќи клубови, барови и драг-шоуа.

6. Мелбурн, Австралија: Мултикултурен град познат по стилски барови, музички клубови, концерти и фестивали.

5. Берлин, Германија: Центарот на андерграунд сцената, со клубови во напуштени магацини и богата понуда на електронска музика.

4. Шангај, Кина: Азиска метропола со футуристички шарм, позната по трендовските клубови и баровите на покривите.

3. Париз, Франција: Градот на љубовта нуди стилски ноќен живот, од шик коктел барови до уметнички настани.

2. Мадрид, Шпанија: Жива сцена со бројни барски области, тапас барови и подиуми за танцување.

1. Лас Вегас, САД: На врвот на листата, познат како „градот што никогаш не спие“, нуди спектакуларно искуство со огромни клубови, диџеи од светска класа и разни форми на забава.