Електродистрибуција ја заврши првата фаза на проектот за замена на надземните водови со подземна мрежа на улицата Гаврил Константиновиќ во населба Лисиче. Среднонапонската дистрибутивна мрежа е целосно реконструирана, а во втората фаза која е во тек, се продолжува со изведба на работни активности на нисконапонската мрежа, информира од Општина Аеродром.

Градоначалникот Тимчо Муцунски, кој заедно со претседателот на Управниот одбор на ЕВН Македонија, Волфганг Маиер беа во увид на терен, смета дека соработката со компанијата за кусо време покажала добри резултати.

 Безбедноста на жителите е зголемена, а уличното осветлување е средено. Подземната мрежа ѝ овозможи уште поголем простор на општината, кој може да се искористи за други намени со цел инвестиции и олеснување на животот на нашите граѓани – смета Муцунски.