Линкедин / Фото EPA-EFE/HAYOUNG JEON

ЛинкедИн со помош на ВИ ќе им помогне на луѓето полесно да најдат работа

ЛинкедИн, социјалната мрежа која служи како алатка за корисниците полесно да најдат работа и да ги споделуваат своите професионални успеси, соопшти дека сега има повеќе од една милијарда членови и дека ќе додаде повеќе функции врз основа на вештачка интелигенција (ВИ) за корисниците кои ги плаќаат услугите на платформата.

Преминувањето на границата од милијарда корисници го става ЛинкедИн во друштво со останатите гиганти, како Фејсбук и Инстаграм. Според истражувањето, околу 80 отсто од членовите се пријавуваат надвор од Соединетите држави, соопшти компанијата.

ЛинкедИн има бесплатна услуга, но нуди и претплати за дополнителни опции. Корисниците кои плаќаат претплата од 39,99 долари месечно ќе добијат нови функции врз основа на вештачка интелигенција кои обезбедуваат попрецизни резултати при барањето на кандидати за работа.

Системот може да препорача и промени на профилот за да го направи корисникот поконкурентен за работа.

Алатката е дизајнирана да им помогне на корисниците да одат „од она што некогаш беше само барање работа и чувство на несигурност до тоа да можат да постигнат огромен напредок со само една посета на страницата“, рече во интервјуто Томер Коен, директорот за производи на ЛинкедИн.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот