Македонската тенисерка Лина Ѓорческа со победа во првото квалификациско коло го почна настапот на ИТФ фјучрсот W75 во унгарскиот град Секешфехервар. Таа денеска ја совлада домашната тенисерка Мелинда Биро со 2:0 во сетови 6:3 и 6:0.

Турнирот се игра во сала на земјена подлога и е за награден фонд од 60.000 долари. Ѓорческа е рангирана како втора носителка на квалификацискиот турнир.

В понеделник за пласман на главниот турнир Ѓорческа ќе игра против Романката Андреа Присакариу (25 години, 476 место ВТА), која во денешниот меч од првото коло од квалификациите ја совлада Унгарката Грета Фенивес со 2:0 во сетови.

Настап во Шарм Ел Шеик на ИТФ турнирот W15 турнирот настап ќе има македонската тенисерка Магдалена Стоилковска. Во првата квалификациска рунда беше слободна и е рангирана како прва носителка во квалификациите.

Нејзина противничка утре ќе биде Маргарита Охендовскаја од Украина, која во првата квалификациска рунда ја совлада Рија Убовеја од Индија со 6:3, 3:6 и 10:6. Турнирот се игра на отворено на тврда подлога за награден фонд од 15.000 долари.