Сапуницата околу Кристијан Ериксен и неговото заминување од Тотенхем во Интер, полека се ближи кон крајот.

Ериксен влезе во последните шест месеци од договорот со Тотенхем и му порача на претседателот Даниел Леви дека нема намера да го продолжува договорот и сака да замине во Интер.

Ериксен веќе ги договори личните услови со Интер, но потоа следеше тешкиот дел од задачата, „нероаѕурите“ да се договорат со Даниел Леви.

Интер прво понуди 10 милиони евра, потоа 15 милиони, па 18 милиони, но на крајот ќе мораат да ја платат бараната сума, 20 милиони евра, а трансферот ќе биде официјализиран во понеделник.

Данскиот репрезентативец ќе потпише четиригодишен договор кој ќе му носи по 10 милиони евра по сезона.