Актерот Адам Дивајн, кој е познат по улогата во филмот „Модерно семејство“, откри дека лекарите му рекле дека има ретко невролошко нарушување наречено „синдром на вкочанета личност“.

Лекарите му дале погрешна дијагноза

Ова му било кажано во август 2022 година, но актерот побарал второ мислење и дознал дека го нема синдромот туку страда од последици од несреќа во детството. Во новата епизода од поткастот „Длабочина со Греам Бенсинџер“, Дивајн зборувал за неговите чувства кога лекарите погрешно му ја дијагностицирале болеста.

„Имав грчеви насекаде. Сè уште ги имам. Некое време ми велеа дека умирам. Буквално последната година ми го кажаа тоа. Ми рекоа дека имам болест наречена синдром на вкочанета личност. Твоите мускули толку се стегаат што не можеш да одиш, се движиш и потоа срцето престанува да чука бидејќи се стега премногу за да чука“, рекол актерот.

Побарал второ мислење

Девин објаснил дека просечниот животен век на лице со ова нарушување е шест години, а тоа му беше кажано само еден месец пред да се роди неговиот син. Тогаш бил загрижен дека неговиот син ќе има само шест години кога ќе умре.

Меѓутоа, за среќа, Дивајн отишол кај специјалист за синдром на вкочанета личност, кој го уверил дека ја нема оваа состојба.

Му било кажано дека неговите проблеми со мускулите потекнуваат од несреќа во детството кога имал 11 години.

„Докторот ми рече: „Тоа ви е последица од несреќа што сте ја имале кога сте биле дете. Грчевите се малку необични за оваа состојба“, објаснил Дивајн.

Кога Дивајн бил момче, го удрил камион додека ја преминувал улицата. Поради несреќата му биле потребни бројни операции и извесно време бил врзан во инвалидска количка. За среќа, целосно закрепнал и можел повторно да оди, иако сè уште има компликации.

„Можам да одам на кратка релација пред да почнат да ми се грчат мускулите толку силно за да не можам да се движам“, изјавил тој.