Кошаркарите на Лос Анџелес лејкерс го совладаа Сакраменто кингс со 113:100 во натпревар од НБА лигата, а членот на „езерџиите“ Леброн Џејмс постави нов рекорд надминувајќи го легендарниот Карим Абдул-Џабар со одиграни минути во регуларниот дел од сезоната.

Џејмс стигна до бројката од 57.447 одиграни минути, додека Абдул-Џабар остана со 57.446 минути.

За Џејмс ова беше 1.517. натпревар по ред, а по натпреварот изјави дека е посветен на својата работа:

– Посветен сум на мојата работа и имам страст за оваа игра. Не се одморам многу за време на паузата меѓу сезоните. Сега малку повеќе од порано. Играв во 10 последователни НБА финалиња и секогаш бев во целосна физичка форма – рече Џејмс.

Покрај Џејмс и Абдул-Џабар, на вечната листа на играчи со најмногу минути во НБА се најдоа Карл Мелоун (54.852), Дирк Новицки (51.368) и Кевин Гарнет (50.418).