Лазаров за пописот: Погубно е за државата и економијата губиток на скоро 200 000 луѓе, ни треба нов почеток
Со реакцијата за резултатите од пописот кои денеска ги објави Државниот завод за статистика се јави и
Кирил Лазаров, сопственик на НИКОБ Групацијата и претседател на Македонско- Бугарската стопанска комора.
Препорачано
-
1
-
2
-
3
„Како луѓе исправени пред Бога, сите сме исти и еднакви, без разлика на националност, вера, боја на кожа и слично. Како луѓе исправени пред државата и нејзините национални интереси и уставот и законите, воопшто не е важно колку сме Македонци или Албанци, православни или муслимани. Ние сме демократска држава и симбол на интегрирање на различностите и токму тоа е нашата најголема сила. Најважно е колку сме, колкаво работоспособно население имаме, која е структурата во образованието, вработеноста, односно невработеноста, а со тоа и економската моќ на државата, вели Лазаров во објавата на Фејсбук.
Тој јавно аплираше за создавање на сеопфатна економска стратегија која е неопходна за државата.
-Јавно апелирам, мобилизирање на сите економски, стопански и бизнис чинители во државата за подготовка на конечна, суштинска и сеопфатна економска стратегија и образовна платформа прилагодена врз овие структурни статистики за да ја спречиме белата чума и да се задржи во државата она што останало. Погубно е за државата и економијата губиток на скоро 200 000 луѓе. Ни треба развој и нов почеток, дециден е претседателот на Македонско- Бугарската стопанска комора Кирил Лазаров.
