Македонската ракометна репрезентација по денешниот ден за одмор, утре ја чека нов натпревар во втората фаза на Светското првенство, а наш противник ќе биде селекцијата на Катар.

Катар, кој е предводен од ракометната легенда Веселин Вујовиќ, во претходното коло одигра одличен дуел, беше во егал со Холандија до самиот крај и загуби со само еден разлика (38:37).

Дека Македонија ја очекува тежок натпревар, потврди и селекторот Кире Лазаров.

“Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Не очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат”, изјави Лазаров.

Натпреварот против Катар Македонија го игра утре од 15:30 часот.