Еден од најдобрите ракометари на сите времиња, македонскиот репрезентативец Кирил Лазаров во свое, но и во име на Ракометната федерација на Македонија, од голема почит спрема работата и делото му подари дрес на националната селекција на најдобриот светски тенисер Новак Ѓоковиќ.

Дресот му го предаде македонскиот новинар Бошко Тасиќ, а Ноле кој настапува на турнир во Белград, од срце го прифати подарокот од пријателот, селекторот и капитен на Македонија.

Лазаров кажа низа пофалби за Ѓоковиќ, а изјави дека му се восхитува поради многуте квалитети кои ги поседува.

– Новак беше и секогаш ќе биде најголем за мене. Иако е помлад од мене, јас го гледам како идол. Идоли на теренот и надвор од него. Победник кој се раѓа еднаш во 1000 години. Неговата ментална сила и начин на однесување во важни моменти и во моменти кога губи.

Како знае да направи пресврт од загубен меч, па тоа е речиси невозможно. Со години го прави тоа со леснотија. Најголемиот! – вели нашиот десен бек за српските медиуми.