Избраниците на Кире Лазаров утре ги очекува вториот натпревар од втората фаза во кој ќе играме против репрезентацијата на Катар која од клупата ја предводи поранешниот тренер на Вардар Веселин Вујовиќ.

Пред натпреварот изјава за медиумите даде и македонскиот кружен напаѓач, Милан Лазаревски кој со Катар очекува еден поинаков натпревар и потенцира дека мораме да бидеме на високо ниво ако сакаме позитивен резултат.

Катар во натпреварот против Македонија влегува по едно одлично издание против Холандија во кој беа поразени со еден разлика (38:37).

„Катарците во вчерашната пресметка со Холандија покажаа дека не се наивен противник, иако нивните бекови се во поодминати години во нивната кариера. Но и со тежината на возраста покажаа дека можат многу да придонесот, одиграа навистина на високо ниво. Очекувам еден поинаков натпревар, но ако пристапот ни биде вистински како што  покажавме досега на ова првенство, можеме да дојдеме до позитивен исход“, изјави Лазаревски.

Македонија и Катар својот натпревар го играат во терминот од 15:30 часот.

Лазаров: Катар е борбена селекција со ракометари кои прават разлика, ќе биде неизвесно