Роналд Куман веќе е промовиран како нов тренер на Барселона, а денеска клубот ги објави и имињата кои ќе помагаат во стручниот штаб на Холанѓанецот. Помошници на Куман ќе бидат Хенрик Ларсон и Алфред Шредер кои потпишаа договори на две години.

Поранешниот шведски репрезентативец Куман е познат на сите фудбалски фанови, главно ќе се занимава со развој на напаѓачите со идеја да помогне во растот на Ансу Фати и Тринкао.

Од друга страна Шредер е релативно непознато име, го водеше Хофенхајм минатата сезона, но замина по недоразбирање со раководството, и покрај тоа што екипата настапи многу силно во Бундеслигата и на крајот се квалификуваше во Лигата на Европа.

Куман ќе има задача да ја врати Барса на победничките патеки, како и освојувањето на нови трофеи. Се шпекулираат многу заминувања од клубот, шпанските медиуми информираат дека се очекуваат доста промени во составот.

Куман детално ги образложи плановите за поранешниот напаѓач на Атлетико Мадрид, Антоан Гризман.

– Со секоја почит, Гризман не е крилен играч. Треба да игра таму каде што играше цел живот и каде е најдобар. Исто така мојата идеја е Френки де Јонг да игра како во Ајакс и во холандската репрезентација. Еден ден дојдов во Барселона да видам лично на која позиција игра Де Јонг и тоа не ми се допадна. Тој нема да игра во класична формација 4-3-3 како централен фудбалер за врска. Кога инвестирате во играч што вреди толку многу пари, морате да го натерате да игра на својата позиција, таму каде што се очекува ефикасност од него – вели Куман за холандските медиуми.

Барселона на нозе, Меси го прекина одморот и го шокира Куман со своите зборови